Хайлт хийх үг

Luka 1

Luka walemba luŋwalu kwa Teyofilasi

1Kuli ulemekwa Teyofilasi, nikuba ati bantu banji banji bakasoleka kulemba makani aashintu shesho shakacitika akati kesu, 2bakalemba kwiingainya umbutwakashimwinwa ubakamboni bakabona shintu shesho kuhwa kumakancilo, ulimwi bakaakukambauka wezo Mulumbe. 3Inzho uulemekwa Teyofilasi, shintu shoonse sheshi ndakashibuzhabuzha kabotu kabotu mbuli mbushilungene lungene kuhwa ciindi nishakakanka kucitika, ubobo ndazanda ati nshilembe. 4Ndacita bobo kwaamba uzhibe lushinizho mutwaambo toonse ntuwakayiishiwa.

Kuzhalwa kwa Johani kwaambilizhiwa

5Kuciindi mwami Heloda naakaakulela cishi ca Judaya, kakuli mupaizhi wakaakutewa ati Zakaliya, kali wa mukabunga kabapaizhi kana Abija. Zakaliya katwele mukaintu uutewa ati Lizabeti wamukowa waka Aloni. 6Boonse bobile kabali bantu bateelela Leza, kabeenda mumalailile ukucilila Milawo ya Leza yoonse. 7Pele kabaina mwana, nkaambo Lizabeti katazhali ulimwi boonse bobile kabali bacembele.

8Bumwi buzuba, Zakaliya kali muŋanda ya Leza kucita mulimo wakwe wabupaizhi, nkaambo kabuli bulizhi bwankamu yakwe. 9Inzho kwiingainya uciyanza ca bapaizhi, bakasala Zakaliya kwaamba abe nguuya muŋanda ya Leza kutenta tununcilizho mubusena busalala. 10Inkamu ya bantu keesheele ansengwe ilakomba ciindi Zakaliya naakaakutenta tununcilizho. 11Ngoonaawo Zakaliya wakabona anjelo wa Mwami, ulizhimine kuluya lwacilyo lwa cipaililo aakaakutentelwa tununcilizho. 12Ceci cakamuzhinga Zakaliya, ulimwi wakatiya cini cini. 13Pele anjelo wakamwaambila ati, “Utatiyi Zakaliya! Leza wateelela kukomba kwako, mwinako Lizabeti ulakakuzhalila mwana mweembezhi wezo nguukaaulika ati Johani. 14Kulakaba kubotelwa ukutangala cini cini, ubantu banji banji balakabotelwa ukaambo kakuzhalwa kwakwe! 15Wezu mwana ulakaba mulemu kubushu bwa Leza, ulimwi takanwi waini pe, nishiba shimwi shikola, ulakakwata insana sha Moza Usalala kacili mwifwu lyakabaina. 16Wezu muntu ulakacita kwaamba ba Izilaili banji banji bazhoce ku Mwami Leza wabo. 17Inzho Johani nguukaasololela Mwami Jeso, ulimwi ulakaakukwete insana sha Moza shili ukoya shaakaakukwete mushinshimi Elija. Ulakaleta kuteelezhanya akati kabana ubamaushabo, ulakalulamika bantu bataluleme kwaamba babe umizeezo mibotu, ulakacita bantu ba Mwami kwaamba balibambile.” 18Zakaliya wakamubuzha anjelo ati, “No ndazhiba buti ati nciwaamba cilakacitika? Nkaambo ndakomena, aze mwinangu mucembele.”

19Anjelo wakamwiingula ati, “Ndime Gabuliyele! Mutwanga wa Leza uuzhima kubushu bwakwe ciindi coonse. Wantuma kwaamba nzhize nkwaambile aza makani. 20Inzho ulaba shicintaamba, ubobo tuukwaamba kushicila sheshi shintu shikacitice nkaambo wiina kwaashoma mazwi angu aza akaacitika kuciindi ceelele.”

21Kuciindi ceco bantu kabamulindila Zakaliya, bakakanka kubuzhanya ati, “No nkaambonzhi wamuka kuhwa muŋanda ya Leza?” 22Naakamuhwa, wakakacilwa kwaamba, wakakanka kutambaika matashi cakutaamba linji, ubobo bantu bakashimpicila kuzhiba ati wabona cilengaano muŋanda ya Leza.

23Bulizhi bwakwe bwakusebeza muŋanda ya Leza nibwakamana, Zakaliya wakaya kwakwe. 24Inzho nikwakaita mazuba, Lizabeti wakamita, amane wakaliseseka kubantu kwa myezhi yosanwe, 25ulaamba ati, “Inzho Mwami wamfwila luse nkaambo wantaba, wankusha insoni kubantu!”

Anjelo Gabuliyele waamba Kuzhalwa kwa Jeso

26Nikwakaita mwezhi iili cisambomwi yakumita kwa Lizabeti, Leza wakatuma anjelo Gabuliyele kuya ku Nazaleta mucishi ca Galilaya. 27Wakamutuma kunakalindu wakaakuseselwe kumulombwana uutewa ati Jasefwa waluhubo lwa Devidi, izhina lyanakalindu wezo kali Maliya. 28Anjelo wakeza kwakwe wamwaambila ati, “Uwe umulonjezhe, Mwami Leza abe aze.” 29Maliya naakaateelela aza mazwi wakazhingwa cinicini, wakalibuzha umonzo wakwe ati, “Anu nkwaanzha kuli buti koku?” 30Inzho anjelo wakamwaambila ati, “Utatiyi Maliya, Mwami Leza wakufwila luse. 31Bona, ulakamita ukuzhala mwana mweembezhi, ulakamuulika izhina lya Jeso. 32Ulakaba mulemu, ulakaakutewa ati mwanakwe Namakungwe Mutalabala. Mwami Leza ulakamupa bwami buli ukoya mbwaakaakubele Devidi ushi, 33ulakaba muleli wamushobo wa Izilaili shikwense uushikwense, bulelo bwakwe tabukamana!”

34Inzho Maliya wakamubuzha anjelo ati, “No ceci cilakonzha kuba buti kwangu ume iintezhi mulombwana?”

35Anjelo wakamwiingula ati, “Moza Usalala ulakeza alyuuwe, iinsana sha Leza wamwizeulu shilakakuhumba. Wezo nguukaazhala Uusalala ulakaakutewa ati Mwanakwe Leza. 36Sa ulamuzhibaluka Lizabeti musazhinoko welya ngubakaakwaamba ati tazhali? Inzho ulimishi mwana mweembezhi umbucembele bwakwe. Mwezhi weno ngwacisambomwi. 37Nkaambo kwiina cikaka kwa Leza.”

38Maliya wakaamba ati, “Ume ndimuzhice wa Mwami, acibe kwangu mbubona mbuwaamba.” Ngoonaawo anjelo wakamushiya.

Maliya waya kuswaya Lizabeti

39Kwiite mazuba mashoonto, Maliya wakabweza lweendo cakubindaana kuya kumunzhi uuli mumapili mucishi ca Judaya. 40Wakaya kunjila muŋanda yaka Zakaliya, wakamwaanzha Lizabeti. 41Inzho Lizabeti nakateelela kwaanzha kwa Maliya, mwana wakaakuli mwifwu lyakwe, wakasamba cakubotelwa. Ngoonaawo Lizabeti wakeendelezhewa uMoza Usalala, 42wakapozomoka ati, “Ulikwete coolwe uwe akati kabakaintu boonse, umwana ngukaazhala ulikwete coolwe! 43Anu ndime ni iinkonzha kuswayiwa kwa baina Mwami wangu? 44Mbuwaŋanzhizha bulyo, aze mwana uuli mwifwu wasamba cakubotelwa. 45Ulikwete coolwe nkaambo wakashoma ati, makani aLeza nguwakaambilwa alishinizhe alakacitika.”

Lwiimbo lwa Maliya lwakutembaula

46Maliya wakaamba ati,

“Ndakulumba Mwami mumonzo wangu.

47Moza wabotelwa cini cini nkaambo ka Leza mufwutuli wangu,

48ukuti wazhibaluka kulicesha kwangu, ume ndimuzhice wakwe.

Inzho mazhalane oonse alakenta ati, uuli coolwe,

49nkaambo Leza shinsana shoonse wancitila shintu shikando,

nkaambo kezhina lyakwe lilasalala.

50Wakatondezha luse kubantu boonse bamulemeka, kukancila kwizhalane limwi kushicila kuli limwi.

51Wakacita shintu shizoosha iitashi lyakwe, ukwaandaanya bantu bakwete mizeezo yamatunta mumyonzo yabo.

52Wabakusha baleli bashinsana mushuuna shabo ukusumpula balibonzha.

53Bafwile inzala bekuta shintu shibotu,

bahubi wabatanda cinkambaminwe.

54Wacibamba cishomezho ncaakashomezha kuli bashaakale besu,

ulimwi wamuyohwa Izilaili musebezhi wakwe.

55Wazhibaluka kuba shiluse kwa shaakale wesu Abulahamu

ukulunungu lwakwe luzhiza shikwense ushikwense.”

56Maliya wakakala uLizabeti kwamyezhi iitiikabe yotatwe, amane wakapiluka kwakwe.

Kuzhalwa kwa Johani Mupapatizhi

57Ciindi nicakashika caka Lizabeti cakutumbuka, wakazhala mwana mweembezhi. 58Bashimukobonina ubasazhiina nibakateelela Mwami mbwaakatondezha luse kwa Lizabeti, boonse bakasecelela antoomwi.

59Inzho mwana naakakwanya mazuba aali lusele, bakeza kwaamba bamupalule. Kabazanda kumuulika izhina lya ushi, ati ngu Zakaliya. 60Pele baina wakaamba ati, “Peepe! Izhina lyakwe ngu Johani.”

61Bantu bakaamba ati, “Kwiina musazhinoko naaba womwi uukwete izhina leli.” 62Ngoonaawo bakatambaika matashi kwa ushi, kumubuzha izhina ndyazanda kuulika mwanakwe.

63Ngoonaawo Zakaliya wakalomba shakulembela kwiita mukutambaika matashi amane walemba ati, izhina lyakwe ngu Johani. Awo bantu boonse bakazhingwa. 64Mbwaakamanina bulyo kulemba, Zakaliya wakakanka kwaamba ulimwi ukutembaula Leza. 65Beenzhiina boonse bakatiya cini cini, umakani aza akayeempuwo mucishi coonse ca maapili aa Judaya. 66Boonse babo bakateelela sheshi shintu bakashibika kumyonzo yabo, bakaabuzhanya ati, “Anu wezu mwana ulakaba muntu uuli buti?” Nkaambo cakalibonya kwaamba ati, insana sha Leza kashili aze.

Kushinshima kwa Zakaliya

67Zakaliya ushi Johani, wakeendelezhewa uMoza Usalala, wakashinshima ati,

68“Atembaulwe Mwami Leza wa Izilaili,

nkaambo weza kuyohwa ukunununa bantu bakwe.

69Wakatupa mufwutuli shinsana kwiza kutufwutula, wakahwa mulunungu lwaka Devidi.

70Umbona mbwaakaamba kwiita mubashinshimi bakwe bakalekale basalala.

71Wakaamba ati, ulakatufwutula kuhwa mumatashi aabashinkondonokwesu, ubabo batuswile.

72Wakaamba ati ulakabacitila luse baushesu bakalekale, ulimwi takaluba cihuminano cakwe cisalala.

73Ncakapinga kumuzhali wesu Abulahamu, ukutushomezha ati,

74ulaatuhuna kumatashi aabashinkondonokwesu kwaamba tukamusebezele cakubula bukandu,

75ukweenda cabusalazhi ubululami, kwaamba tube basalazhi ubalulami kumazuba oonse aabumi bwesu.

76Uwe umwanangu ulakatewa ati, mushinshimi wa Namakungwe Mutalabala, ulakasololela Mwami kumululamicile inzhila yakwe.

77Ulakazhibya bantu bakwe kwaamba balakafwutulwa ukulecelelwa shibi shabo.

78Lufwutuko lwa Mwami lulakeza kulyuuswe kuhwa kwizeulu, ukoya mumuni wezuba kumahwilo,

79ulakamunicila bantu boonse bashite mumushinze umucinhule ca lufwu, ukutusololela muluumuno.”

80Inzho Johani wakakomena kumubili uku Moza. Wakaakukala mulukula kushicila kubuzuba naakakanka milimo yakwe kubanabuleya mu Izilaili.