Хайлт хийх үг

Mattaios 1

1 Ik.

1Abraham poho ne Dabid koro poho Yesu Kiristo ekashi shinrit ikiri anuye kambi.

2Abraham anak ne Isaak sangere; Isaak anak ne Yakob sangere; Yakob anak ne Yuda newa Yuda koro akutari sangere; 3Yuda anak ne Tamara tura Perez newa Zera sangere; Perez anak ne Ezrom sangere; 4Ezrom auak ne Aram sangere; Aram anak ne Aminadab sangere; Aminadab anak ne Naasson sangere; Naasson anak ne Saramon sangere; Saramon anak ne Rakab tura Booz sangere; 5Booz anak ne Rut tura Obeed sangere; Obeed anak ne Yessai sangere; 6Yessai anak ne moshiri esapane guru Dabid sangere nisa ruwe ne.

Dabid anak ne hoshiki no an Uria koro machi tura Soromon sangere; 7Soromon anak ne Roboam sangere; Roboam anak ne Abia sangere; Abia anak ne Asa sangere; 8Asa anak ne Yosapat sangere; Yosapat anak ne Yoram sangere; Yoram anak ne Ozia sangere; 9Ozia anak ne Yoatam sangere; Yoatam anak ne Akaz sangere; Akaz anak ne Ezekia sangere; 10Ezekia anak ne Manasse sangere; Manasse anak ne Amon sangere; Amon anak ne Yosia sangere; 11Babironia moshiri orota teke apashte wa atura ita, Yosia anak ne Yekonia newa Yekonia koro akutari sangere nisa ruwe ne.

12Babironia moshirʼotta teke apashte wa atura okaketa, Yekonia anak ne Saratiru sangere; Saratiru anak ne Zorobaberu sangere; 13Zorobaberu anak ne Abiod sangere; Abiod anak ne Eriakeim sangere; 14Eriakeim anak ne Azoro sangere; Azoro anak ne Sadok sangere; Sadok anak ne Akeim sangere; 15Akeim anak ne Eriod sangere; Eriod anak ne Ereazar sangere; Ereazar anak ne Mattan sangere; 16Mattan anak ne Yakob sangere; Yakob anak ne Maria koro hoku Yosep sangere; tan Maria orowa Yesu ani aye Kiristo hekatu nisa ruwe ne na.

17Tambe gusu, aukotama chiki Abraham orowa no Dabid pakno ine ainu ikiri ikashima wan ainu ikiri an; Dabid orowa no Babironia moshiri orota teke apashte wa atura pakno ne yakka ine ainu ikiri ikashima wan ainu ikiri an ruwe ne; shui, Babironia moshiri orota teke apashte wa atura orowa no Kiristo pakno ine ainu ikiri ikashima wan ainu ikiri an ruwe tapan na.

18Yesu Kiristo hekatu katuhu anak ne tapne ne ruwe ne: Koro habo Maria anak ne Yosep otta akopakashnu wa an rapoketa, naa shomo uorepa ita, Ashkanne Ramat gusu honkoro wa an-i anukan ruwe ne. 19Koro hoku Yosep anak ne oupeka ainu ne, awa, moshima guru tek samata nei shiwentep yainikoroshmare niukesh, tambe gusu, nuina no uosuruba ani yainu nisa ruwe ne. 20Aige, tap ambe eyaikoshiramse rapoketa heta, ingarʼan Utarapa uitekbe wendarap ani Yosep orota ek hine ene itak-hi;—Dabid sanike ne Yosep, e kon machi honkoro katuhu anak ne Ashkanne Ramat an ambe ne gusu, e koro machi koro kuni iteki ishitoma. 21Nei shiwentep anak ne okkai po hekature kusu ne na; orowa, Shinuma anak ne koro utara koro katpak isamka kuni gusu ne aiai ne gusu, Yesu ani an reihei ani kore yan, sekoro itak. 22Tap ambe an katu anak ne,

Okkai eramushkare shiwentep honkoro wa okkai aiai hekature,

Reihei anak ne Immanueru sekon reihei ani areikore kusu ne,

sekoro Utarapa orowa no uweingara guru aitakte hawehe auweomare kuni gusu an ambe ne ruwe ne; 23Immanueru sekoro an itak ibehe anak ne, Kamui un tura no an ruwe ne ani an itak ibehe ne ruwe ne. 24Orowa, Yosep mosh, aige, hopuni wa Utarapa uitekbe ikashpaotte nei no ki wa koro machi kon ruwe ne; 25awa, po koro pakno samata hotke shomoki ruwe ne: nei hekature poho YESU ani an reihei ani reikore nisa ruwe ne na.

Ashiri Aeuitaknup 1897

© British and Foreign Bible Society 1897, 2018

More Info | Version Index